சமீபத்திய செய்தி

உலகத்திலே பல சமயங்கள் உள்ளன. அவற்றுள், ஈழத்தில் வழங்கும் சமயங்கள் நான்கு, அவை சைவம்
நன்கொடை
English

+94 123 456 789

நன்கொடை
English

416 528 1407

04.024 இரும்புகொப் பளித்த

திருச்சிற்றம்பலம்

இரும்புகொப் பளித்த யானை 
  ஈருரி போர்த்த ஈசன்
கரும்புகொப் பளித்த இன்சொற் 
  காரிகை பாக மாகச்
சுரும்புகொப் பளித்த கங்கைத் 
  துவலைநீர் சடையி லேற்ற
அரும்புகொப் பளித்த சென்னி 
  அதிகைவீ ரட்ட னாரே.   1 
  
 
கொம்புகொப் பளித்த திங்கட் 
  கோணல்வெண் பிறையுஞ் சூடி
வம்புகொப் பளித்த கொன்றை 
  வளர்சடை மேலும் வைத்துச்
செம்புகொப் பளித்த மூன்று 
  மதிலுடன் சுருங்க வாங்கி
அம்புகொப் பளிக்க எய்தார் 
  அதிகைவீ ரட்ட னாரே.   2 
  
 
விடையுங்கொப் பளித்த பாதம் 
  விண்ணவர் பரவி யேத்தச்
சடையுங்கொப் பளித்த திங்கட் 
  சாந்தவெண் ணீறு பூசி
உடையுங்கொப் பளித்த நாகம் 
  உள்குவார் உள்ளத் தென்றும்
அடையுங்கொப் பளித்த சீரார் 
  அதிகைவீ ரட்ட னாரே.   3 
  
 
கறையுங்கொப் பளித்த கண்டர் 
  காமவேள் உருவம் மங்க
இறையுங்கொப் பளித்த கண்ணார் 
  ஏத்துவார் இடர்கள் தீர்ப்பார்
மறையுங்கொப் பளித்த நாவர் 
  வண்டுண்டு பாடுங் கொன்றை
அறையுங்கொப் பளித்த சென்னி 
  அதிகைவீ ரட்ட னாரே.   4 
  
 
நீறுகொப் பளித்த மார்பர் 
  நிழல்திகழ் மழுவொன் றேந்திக்
கூறுகொப் பளித்த கோதைக்
  கோல்வளை மாதோர் பாகம்
ஏறுகொப் பளித்த பாதம் 
  இமையவர் பரவி யேத்த
ஆறுகொப் பளித்த சென்னி 
  அதிகைவீ ரட்ட னாரே.   5 
  
 
வணங்குகொப் பளித்த பாதம் 
  வானவர் பரவி யேத்தப்
பிணங்குகொப் பளித்த சென்னிச் 
  சடையுடைப் பெருமை யண்ணல்
சுணங்குகொப் பளித்த கொங்கைச் 
  சுரிகுழல் பாக மாக
அணங்குகொப் பளித்த மேனி 
  அதிகைவீ ரட்ட னாரே.   6 
  
 
சூலங்கொப் பளித்த கையர் 
  சுடர்விடு மழுவாள் வீசி
நூலுங்கொப் பளித்த மார்பில் 
  நுண்பொறி யரவஞ் சேர்த்தி
மாலுங்கொப் பளித்த பாகர் 
  வண்டுபண் பாடுங் கொன்றை
ஆலங்கொப் பளித்த கண்டத் 
  ததிகைவீ ரட்ட னாரே.   7 
  
 
நாகங்கொப் பளித்த கையர் 
  நான்மறை யாய பாடி
மேகங்கொப் பளித்த திங்கள் 
  விரிசடை மேலும் வைத்துப்
பாகங்கொப் பளித்த மாதர் 
  பண்ணுடன் பாடி யாட
ஆகங்கொப் பளித்த தோளார் 
  அதிகைவீ ரட்ட னாரே.   8 
  
 
பரவுகொப் பளித்த பாடல் 
  பண்ணுடன் பத்தர் ஏத்த
விரவுகொப் பளித்த கங்கை 
  விரிசடை மேவ வைத்து
இரவுகொப் பளித்த கண்டர் 
  ஏத்துவா ரிடர்கள் தீர்ப்பார்
அரவுகொப் பளித்த கையர் 
  அதிகைவீ ரட்ட னாரே.   9 
  
 
தொண்டைகொப் பளித்த செவ்வாய்த் 
  துடியிடைப் பரவை யல்குற்
கொண்டைகொப் பளித்த கோதைக் 
  கோல்வளை பாக மாக
வண்டுகொப் பளித்த தீந்தேன் 
  வரிக்கயல் பருகி மாந்தக்
கெண்டைகொப் பளித்த தெண்ணீர்க் 
  கெடிலவீ ரட்ட னாரே.
  


சுவாமி : வீரட்டானேஸ்வரர்; அம்பாள் : திரிபுரசுந்தரி. 10

திருச்சிற்றம்பலம்

Audio


அ௫ளியவர் : திருநாவுக்கரசர்

திருமுறை : நான்காம்-திருமுறை

பண் : திருநேரிசை

நாடு : நடுநாடு

தலம் : அதிகை வீரட்டானம்

Author : மதுரை முத்துக்குமரன்

Copyrights © 2022 to Saivaneethi. All rights reserved.